इटहरी । बैँकिङ्ग कसुर गरी फरार भएका एक जनालाई प्रहरीले इटहरीबाट पक्राउ गरेको छ ।
कोसी प्रदेश प्रहरी कार्यालय विराटनगरको अनुसन्धान समूहबाट खटिएको प्रहरी टोलीले बैङ्किङ कसुर मुद्दाका एक जना फरार प्रतिवादीलाई पक्राउ गरेको हो ।
बैङ्किङ कसुर मुद्दामा उच्च अदालत विराटनगरको मिति २०७९जेष्ठ १७ गतेको सजाय निर्धारण फैसला आदेशले १ महिना कैद र ४७ लाख रुपैयाँ जरिवाना बेरुजु रही फरार रहेका पौवादुम्बा गाउँपालिका ५ भोजपुर घर भइ इटहरी उपमहानगरपालिका १६ बस्दै आएका ४१ वर्षीय भुवनबहादुर कटुवाललाई गाउँघरमा नै लुकिछिपी बसेको अवस्थामा फेला पारी पक्राउ गरेको हो ।
पक्राउ परेका कटुवाललाई सुनसरी जिल्ला अदालतमा दाखिला गरेकोमा कैद भुक्तानको लागि झुम्का कारागार पठाइएको प्रहरीले जनाएको छ ।
प्रकाशित मिति: २०२३-०४-०९ , समय : २२:१८:१६ , २ वर्ष अगाडि
